ಇರುಳ ಸಮಯ-ಕವನ

 ಇರುಳ ಸಮಯ ಸುರಿಮಳೆಯೊಳಗೆ

ದೋಣಿಗಳಿಳಿದಿವೆ ಹೊಳೆಯೊಳಗೆ

ಶ್ಯಾಮಲ ಸಾಗರವೇ ಗುರಿಯೆನ್ನುತ

ಸಾಗಿವೆ ಸಾವಿರ ದೋಣಿಗಳು |

ಸೆರಗೇ ಹಾಯಿ ! ಹೃದಯವೆ ಹುಟ್ಟು !

ದೋಣಿ ಹಿಂದೆ ಜಲವೇಣಿಗಳು ||

ಏರಿಳಿಯುವ ಅಲೆ! ಮುಂದೆ ಇದಿರು ಹೊಳೆ !

ಜಗ್ಗುವುವೇ ಈ ಹಾಯಿಗಳು ?

ಎದೆಯನೆ ಸೀಳುವ ಹೋಳು ಬಂಡೆಗಳು

ಆ ಎನ್ನುವ ಸುಳಿಬಾಯಿಗಳು ||

ಮುಳುಗಿಸೊ ಅಥವಾ ತೇಲಿಸೊ ರಥವ

ಧೃತಿಯೊಂದೇ ಗತಿ ಹಾಡುತಿವೆ |

ಮುಳುಗುವ ಹೊರತೂ ತೇಲದು ದೋಣಿ

ಹಾಯಿ ವಿದಾಯವ ಹೇಳುತಿವೆ ||

                     -ಹೆಚ್. ಎಸ್. ವೆಂಕವೇಶಮೂರ್ತಿ