ಚೆಲ್ವಿ ಚೆಲ್ವಿ ಎಂದು-ಜನಪದ ಗೀತೆ

 ಚೆಲ್ವಿ ಚೆಲ್ವಿ ಎಂದು ಅತಿಯಾಸೆ ಪಡಬೇಡ
ಚೆಲುವಿದ್ದರೇನೂ ಗುಣವಿಲ್ಲ | ಕೊಳೆನೀರು
ತಿಳಿಯಿದ್ದರೇನೂ ರುಚಿಯಿಲ್ಲ ||

ಕಪ್ಪುಹೆಂಡತಿ ಎಂದು ಕಳವಾಳ ಪಡಬೇಡ

ನೇರಾಳೆ ಹಣ್ಣು ಬಲುಕಪ್ಪು | ಆದಾರು

ತಿಂದು ನೋಡಿದರೆ, ರುಚಿ ಬಹಳ ||

ಕೆಂಪು ಹೆಂಡತಿ ಎಂದು ಸಂತೋಷ ಪಡಬೇಡ
ಅತ್ತಿಯ ಹಣ್ಣು ಬಲುಕೆಂಪು | ಇದ್ದಾರು
ಹೊಡೆದು ನೋಡಿದರೆ ಹುಳು ಬಹಳ ||

ಬಂಗಾರದ ಬಳೆತೊಟ್ಟು ಬಡವಾರ ಬೈಬೇಡ

ಬಂಗಾರ ನಿನಗೇ ಸ್ಥರವಲ್ಲ | ಮಧ್ಯಾಹ್ನ

ಸಂಚೆಯಾಗುವುದೂ ತಡವಲ್ಲ ||ಚೆ||