Input license here

ಇತ್ತೀಚಿನ ಪೋಸ್ಟ್‌ಗಳು

ಆಗು ನೀನು ಇಬ್ಬನಿ ನೆಲಸುವ ಹೂ

ಆಗು ನೀನು ಇಬ್ಬನಿ ನೆಲಸುವ ಹೂ,
ದುಂಬಿ ಮೊರೆವ ಮಹಲು,
ಬರಲಿ ಅಲ್ಲಿ ಗಿಳಿ, ಕೋಗಿಲೆ, ಕಾಗೆ,
ಒರೆಯಲೆಲ್ಲ ಅಹವಾಲು.

ಕತ್ತಲಲ್ಲಿ ಬೆಳೆವುದೊಂದೆ ಕೆಲಸ,
ನಸುಕು ಹರಿಯೆ, ಮೃದುಹಾಸ;
ಹಗಲು ನಗಲು ನರುಗಂಪ ಲೋಕಕೆ
ಸ್ವಾಹಾ ಎಂಬ ವಿಕಾಸ.

ಸಂಜೆ ಮಾಗಿ ಬರೆ, ಅಂಜದ ಎಲೆಮರೆ
ಬಾಡಿ ಬೀಳುವ ವಿರಾಗ;
ಬರುವ ಹಣ್ಣಿನೊಳತಳದಿ ಕುಳಿತು ಚಿರ
ಕನಸು ಕಾಂಬ ಅಭಿಯೋಗ.

-ಎಮ್. ಗೋಪಾಲಕೃಷ್ಣ ಅಡಿಗ.

Post a Comment

0 Comments