ಹಸಿಯಿದ್ದಳು ಬಿಸಿಯಾದಳು

 

ಹಸಿಯಿದ್ದಳು ಬಿಸಿಯಾದಳು
ಸಸಿ ಇದ್ದ ಹುಡುಗಿ
ಹುಸಿ ಅರಿಯದ ಹುಡುಗಿ
ತನ್ನಿದಿರಲೆ ಬೆಳೆದಳು
ಹೊಸ ದೇಸಿಯ಼ ಬೆಡಗಿ

ಸಸಿಯಿದ್ದಳು಼ ಚಿಗುರಿದ್ದಳು
ಉಗುರ್ಗೆಂಪಿನ ಹುಡುಗಿ
ತುಟಿ಼ ಸೊಂಪಿನ಼ ಹುಡುಗಿ
ಆಡುತ ನೋಡುತ ಬಿಟ್ಟಳು
ಊರೆಲ್ಲವನುಡುಗಿ

ಚಿಗುರಿದ್ದಳು ಚಿಗರೆಯ ಮರಿ
ಹೂ ಬಿಟ್ಟಳು ಹುಡುಗಿ
ಮೊಗ್ಗಿದಾ ಹುಡುಗಿ
ಕಣ್ಣ್ ಕುಣಿತಕೆ
ನಗೆ ದನಿತಕೆ಼
ಮನೆ ಹೋಯಿತು ನಡುಗಿ

ಆಹಾ ಎನ್ನುತ ಬೆಳೆದಳು
ಹೂ ಸಿಂಪ್ಸಿದ ಹುಡುಗಿ
ವಧುವಾದಳು ಹುಡುಗಿ
ಒಗರಿಳಿದಿತು ಹುಳಿ ಇಳಿದಿತು
ಬೆಡಗುಳಿದಿತು ಅಡಗಿ

ಆ ತಾಪವೊ ಆ ಪಾಡೊ
ತಾಯಾದಳು ಹುಡುಗಿ
ಹಾಯಾದಳು ಹುಡುಗಿ
ಪಡೆದಷ್ಟು ಹಿಗ್ಗವಳಿಗೆ
ಮಮತೆಯ ಕಂಪಿಡುಗಿ

ಕಾಡಾದಳು಼ ಹಣ್ಣಾದಳು
ಮಣ್ಣಾದಳು ಹುಡುಗಿ
ನೆನಪಾದಳು ಹುಡುಗಿ
ವ್ಯಥೆಯಾದಳು ಕಥೆಯಾದಳು
ಎದೆಯಲ್ಲಿಯ ಮಡದಿ

-ದ ರಾ ಬೇಂದ್ರೆ