ಮನದ ಹಂಬಲದ ಕನಸೆಲ್ಲವೂ

 ಮನದ ಹಂಬಲದ ಕನಸೆಲ್ಲವೂ
ಮಂಜಂತೆ ಕರಗಿ ಮರೆಯಾಯಿತೆ?

ಸೆಲೆ ಬತ್ತಿದೆ ಆ ಪ್ರೀತಿಯ ಹೊಳೆ?
ಜೊಳ್ಳಾಯಿತೆ ಆ ಸ್ನೇಹದ ಬೆಳೆ?
ಏಕಾಂತವೇ ಈ ಬಾಳಿನ ನೆಲೆ?
ಮನಸು ವಿಷಾದಕೆ ಸೆರೆಯಾಯಿತೆ?

ಎರಗಿ ಬಿರುಗಾಳಿ, ಬಿಡಿದು ಸಿಡಿಲು,
ನಡುಗಡಲಿನಲ್ಲಿ ಒಡದ ಹಡಗು,
ನೆರವಿರದೆ ಸೋತು, ತೇಲು ಮುಳುಗು,
ಬದುಕು ಹತಾಶೆಗೆ ವಶವಾಯಿತೆ?

ಈ ಬಾಳಿಗುಂಟೆ ಮರುವಸಂತ?
ಈ ಪಯಣಕುಂಟೆ ಹೊಸ ದಿಗಂತ?
ಬೆಳಕು ಮೂಡೀತೆ ಇರುಳ ಕಳೆದು?
ಹೊಸ ಅಂಕಕಾಗಿ ತೆರೆ ಸರಿವುದೆ?

- ಬಿ.ಆರ್.ಲಕ್ಷ್ಮಣ್ ರಾವ್