ಒಂದಾನೊಂದು ಕಾಲದಾಗ ಏಸೊಂದ ಮುದವಿತ್ತ

 ಒಂದಾನೊಂದು ಕಾಲದಾಗ ಏಸೊಂದ ಮುದವಿತ್ತ
ಏಸೊಂದ ಮುದವಿತ್ತ ಮುದಕೊಂದ ಹದವಿತ್ತ
ಅದಕ ಹಂಗಾ ಇತ್ತ ಅದಕೊಂದು ಶಿವನ ಅಂಕುಶವಿತ್ತ
ಒಂದಾನೊಂದು ಕಾಲದಾಗ

ಆಳದ ಹಳಗವಿ ಬೆಳಕನುಟ್ಟಾವೊ
ಹಾಳ ಬಾವಿಗು ಕಣ್ಣು ಬಂದಾವೊ
ಬೇಲಿಯ ಮೇಗೆ ನೀಲಿಯೆ ಹೂವು
ಬೀಳು ನೆಲದ ಏಗಿ ಕಳ್ಳ ಕರಗಿ ತೇಲಿ ಚಿಲ್ಲನೆ ಚಿಮ್ಮಿತ್ತ

ಒಂದಾನೊಂದು ಕಾಲದಾಗ ಏಸೊಂದ ಮುದವಿತ್ತಾ

ಸೀಮಿಯ ಕಲ್ಲಿಗೆ ಬೇಲಿಯ ಸಾಕ್ಷಿ
ಬೇಲಿ ಹೂವಿನಾಗ ಹನಿ ಹನಿ ಇಬ್ಬನಿ
ನಗತ ತಟಕತಾವ ಇಬ್ಬನಿ ಹನಿಗೆ
ಸಂಜೆ ಮುಂಜಾನೆ ಮಂಜು ಮೂದಿದಾರ ಮಂಜು ಕೆಂಪಾಗಿತ್ತಾ

ಒಂದಾನೊಂದು ಕಾಲದಾಗ ಏಸೊಂದ ಮುದವಿತ್ತಾ

ಕುರುಹು ಗೆಟ್ಟದಕ ಹೆಸರೇನ ಇಟ್ಟಿ
ಎಲ್ಲಿ ನೋಡಿದಲ್ಲಿ ವೀರದಲ್ಲ ಓಳಿ
ಹಸನು ಮಾದಿ ಹರಡಿದ್ದ ಹೊಲದಾಗ
ಬೊಗಸೇಲಿ ಬಿತ್ತಿ ತನಿಕೇಲೆ ಎಲಗಾರ
ಎಲುಬಿನ ಹೊಲ ರಾಶಿ

-ಚಂದ್ರಶೇಖರ ಕಂಬಾರ