ತಿಂಗಾಳು ಮುಳುಗಿದವೊ

 

ತಿಂಗಾಳು ಮುಳುಗಿದವೋ

ರಂಗೋಲಿ ಬೆಳಗಿದವೋ

ತಾಯಿ ಚಾಮುಂಡಿಯ ಪೂಜೆಗೆಂದು

ಬಾಳೆ ಬಾಗಿದವೋ ||

ಮಾಯ್ಕಾತಿಚಾಮುಂಡೀ

ಮಂಡೆಲ್ಲಿ ಒದರೀರಿ

ಮೈಸೂರಿಮದಾಂಚೆ ಬೆಟ್ಟದಲ್ಲಿ

ಬಾಳೆ ಬಾಗಿದವೋ |

ಮೈಸೂರಿಂದಾಚೇ ಚಾಮುಂಡಿಬೆಟ್ಟದಲಿ

ಹೂ ಕಂಡು ಮಂಡೆ ಅಲ್ಲೆ ಒದರಿದರು

ಬಾಳೆ ಬಾಗಿದವೋ ||

ಕರಿಯ ಕಡ್ಡಯ ಸೀರೆ

ನರಿಗೆ ಚಿನ್ನದ ಕುಣಿಕೆ

ನಡೆಮುಡಿಯ ಮೇಲೆ ಬರುವವಳೆ

ಬಾಳೆ ಬಾಗಿದವೋ |

ನಡೆಮುಡಿಯ ಮೇಲೇ ಬರುವವಳೆ ಚಾಮುಂಡಿ

ದೊರೆಯೆದ್ದು ಕೈಯ ಮುಗಿದಾರೊ

ಬಾಳೆ ಬಾಗಿದವೋ ||

ಕನ್ನ ಕನ್ನಡಿ ಬಂದೊ

ಕಂಚಿನ ಹೆಬ್ಬರೆ ಬಂದೊ

ಸಣ್ಣೇರಿಮ್ಯಾಲೆ ಮಡೆ ಬಂದೊ

ಬಾಳೆ ಬಾಗಿದವೋ |
ಸಣ್ಣೇರಿ ಮ್ಯಾಲೆ ಮಡೆ ಬಂದೊ ಚಾಮುಂಡಿ

ನಿಮ್ಮೆಡೆಗೆ ತೋಡಲು ಬೆಳಗಾದೊ

ಬಾಳೆ ಬಾಗಿದವೋ ||