ಬಾಗಿ ಬಾಗಿ ಬಂಗಾರ ತೂಗಿ-ಜನಪದ ಗೀತೆ

 ಬಾಗಿ ಬಾಗಿ ಬಂಗಾರ ತೂಗಿ
ಬೆಳ್ಳಿ ಮೂಡಿ ಬೆಳಗಾದವಮ್ಮ
ಗೋಕುಲ ಹೊಳಗೆ ಸಂಭ್ರಮವೆನ್ನಿರೆ
ನಂದಾನ ಕಂದ ಗೋವಿಂದ ||ಬಾ||

ನಂದಾನ ಕಂದಾ ಗೋವಿಂದ ಕೃಷ್ಣನ

ಚಂದಾದಿ ತೊಟ್ಟಿಲೊಳಗಿಟ್ಟು

ಚಂದಾದಿ ತೊಟ್ಟಿಲೊಳಗಿಟ್ಟು ಗೋಪ್ಯಮ್ಮ

ನಂದಾದಿ ತೂಗುತ್ತ ಪಾಡಿದಳೆ ||ಬಾ||

ಪೂತನಿಯ ಕೊಂದಾನೆ ಶಕಟನ ಮುರಿದಾನೆ
ಕಾಳಿಂಗ ಮಡುವ ಕಲಕಿದಾನೆ
ಕಾಳಿಂಗ ಮಡುವಾ ಕಲಕಿದ ಶ್ರೀಕೃಷ್ಣ
ರಕ್ಕಾಸರೆಲ್ಲರ ಮಡುವಿದಾನೆ ||ಬಾ||

ಗೋವ್ಗಳ ಕಾಯ್ದಾನೆ ಬೆಣ್ಣೆಯ ಮೆದ್ದಾನೆ

ಬೆಟ್ಟಲ್ಲಿ ಬೆಟ್ಟಾವನೆತ್ತಿದಾನೆ

ಬೆಟ್ಟಲ್ಲಿ ಬೆಟ್ಟಾವನೆತ್ತಿದ ಶ್ರೀ ಕೃಷ್ಣ

ಗೋಪ್ಯಾರ ಸೀರೆ ಕದ್ದೊಯ್ದಾನೆ ||ಬಾ||