Input license here

ಇತ್ತೀಚಿನ ಪೋಸ್ಟ್‌ಗಳು

ಮರೆಗೆ ನಿಂತು ಕಾಯುತಿರುವ

 ಮರೆಗೆ ನಿಂತು ಕಾಯುತಿರುವ ಕರುಳು ಯಾವುದು
ಸಾವಿರ ಸೋಜಿಗವ ತೆರೆವ ಬೆರಳು ಯಾವುದು

ಸುತ್ತ ಹೊಳೆವ ಹಸಿರಲಿ
ಮತ್ತೆ ಪಕ್ಷಿ ದನಿಯಲಿ
ಎತ್ತೆತಲು ಅಲೆದು ಬಂದು
ಮಳೆ ಚೆಲ್ಲುವ ಮುಗಿಲಲಿ

ಕಣ್ಣ ಕೊಟ್ಟು ಹಗಲಿಗೆ
ಕಪ್ಪನಿಟ್ಟು ಇರುಳಿಗೆ
ಇನ್ನಿಲ್ಲದ ಬಣ್ಣ ಬಳಿದು
ಚಿಟ್ಟೆಯಂತ ಮರುಳಿಗೆ

ಹೊರಗೆ ನಿಂತು ದುಡಿಯುವ
ಫಲ ಬಯಸದೆ ಸಲಹುವ
ತಾಯಿ ಜೀವವೆ ನಮೋ
ಕಾಯ್ವ ಕರುಣೆಯೇ ನಮೋ

-ಎನ್.ಎಸ್ ಲಕ್ಷ್ಮೀನಾರಾಯಣ ಭಟ್ಟ

Post a Comment

0 Comments