ನಾ ಕುಡದಾಡೋ ಪದಗೊಳ್ನೆಲ್ಲ

ಗುಟ್ಟು
ನಾ ಕುಡದಾಡೋ ಪದಗೊಳ್ನೆಲ್ಲ
ಬೀದೀಯೋರ ಜನಗೋಳು
ಈಟೊಂದು ಒಗಳಾಕ್ ಏನ್ ಕಾರಣಾಂದ್ರೆ-
ಯೋಳ್ತೀನ್ ಚೊಂದಾಗ್ ಕ್ಯೋಳು .೧

ಯಿದ್ದೇಗೆಲ್ಲ ದೇವ್ರಾಗೌಳೆ-
ಔಳ್ ಆ ಸರಸೋತಮ್ಮ;
ಯೀಣೆ ಯಿಡದಿ ಔಳ್ ಆಡಿದ್ರೆ
ನಾ ಕುಡದ್ ಆಡ್ತೀನಮ್ಮ !೨

ಸರಸೋತಮ್ಮನ್ ಎಡದೋಳ್ ನೋಡು !
ನನ್ ಎಡಗೈನೂ ನೋಡು !
ಔಳ್ತಾವ್ ಇದ್ರೆ ಯೀಣೆ ಬುಂಡೆ -
ನನಗೈತ್ ಯೆಂಡದ ಬುಂಡೆ !೩

ಬುಂಡೆ ಮಾತ್ವ ನೋಡಿದೇನಣ್ಣ!
ಎಂಗೈತ್ ಅದರದ್ ತಳಕು !
ಅದಕೆ ಅಮ್ಮನ್ ಯೀಣೇ ಅಂಗೇ
ನನ್ದು ಮಾತಿನ್ ಪಲಕು!೪

-ಟಿ. ಪಿ. ಕೈಲಾಸಂ