ಆಷಾಢಮಾಸ ಬಂದಿತಮ್ಮ

 
 

ಆಷಾಢಮಾಸ ಬಂದಿತಮ್ಮ
ತೌರಿಂದ ಅಣ್ಣಾ ಬರಲಿಲ್ಲ
ಎಷ್ಟು ನೆನೆಯಾಲಿ ಅಣ್ಣಾನ ದಾರಿಯ
ಸುವ್ವನಾರೀ ಸುವ್ವೋನಾರಿ।।

ಅರಕೆರೆ ಬನ್ನೂರು ಅದೇ ನನ್ನ ತವರೂರು
ಸರಕಾನೆ ಎದ್ದು ಬರುತೀಯೆ । ಅಣ್ಣಯ್ಯ
ಸರ ಕಾಣೋ ನಿನ್ನ ದೊರೆತಾನೆ ।।

ಕೆಂದೆತ್ತು ಕೈಯಲ್ಲಿ ಕೆಂಪಂಗಿ ಮೈಯಲ್ಲಿ
ಚಿನ್ನದ ಬಾರುಕೋಲು ತಕ್ಕೊಂಡು । ಬರುತಾನೆ
ಅಣ್ಣಯ್ಯ ತಂಗಿಯ ಕರೆಯೋಕೆ ।।

ತವರೂರ ದಾರೀಲಿ ತೆಗೆಸಣ್ಣ ಬಾವಿಯ
ಅಕ್ಕ – ತಂಗಿರು ತಿರೋಗಾಡೋ । ದಾರೀಲಿ
ತೆಗೆಸಣ್ಣ ಕಲ್ಯಾಣದ ಬಾವೀಯ।।

ತೌರೂರು ದಾರೀಲಿ ಕಲ್ಲಿಲ್ಲ ಮುಳ್ಳಿಲ್ಲ
ಸಾಸಿವೆಯಷ್ಟು ಮರಳಿಲ್ಲ । ದಾರೀಲಿ
ಬಿಸಿಲಿನ ಬೇಗೆಯು ಸುಡಲಿಲ್ಲ ।।

Watch YouTube Video