ಮುಗುಳು ನಗೆ ಏನೇ ಹೇಳು ( ಮುಗುಳುನಗೆ ಚಲನಚಿತ್ರ)

 

ಮುಗುಳು ನಗೆ ಏನೇ ಹೇಳು ಮುಗುಳು ನಗೆ ಏನೇ ಹೇಳು
ಯಾರಿರದ ವೇಳೆಯಲ್ಲಿ ನೀ ಏಕೇ ಜೊತೆಗಿರುವೆ
ತುಸು ಬಿಡಿಸಿ ಹೇಳು ನನಗೆ
ನನ್ನ ತುಟಿಯೆ ಬೇಕೇ ನಿನಗೆ
ನನ್ನೆಲ್ಲಾ ನೋವಿಗೂ ನಗುವೇ ನೀ ಏಕೆ ಹೀಗೇ
ಮುಗುಳು ನಗೆ ಏನೇ ಹೇಳು ಮುಗುಳು ನಗೆ ಏನೇ ಹೇಳು

ಸಾಕಾಗದ ಏಕಾಂತವ ನಿನ್ನಿಂದ ನಾ ಕಲಿತೆ
ಯಾಕಾಗಿ ನೀ ಮರೆಮಾಚುವೆ ನನ್ನೆಲ್ಲಾ ಭಾವುಕತೆ
ಸೋತಂತಿದೆ ಸಂಭಾಷಣೆ ಗೆಲ್ಲುವುದು ನಿನಗೆ ಹೊಸತೇ
ಅಳುವೊಂದು ಬೇಕು ನನಗೆ ಅರೆಘಳಿಗೆ ಹೋಗು ಹೊರಗೆ
ಇಷ್ಟೊಳ್ಳೆ ಸ್ನೇಹಿತನಾಗಿ ಕಾಡಿದರೆ ಹೇಗೇ
ಮುಗುಳು ನಗೆ ಏನೇ ಹೇಳು ಮುಗುಳು ನಗೆ ಏನೇ ಹೇಳು
ಯಾರಿರದ ವೇಳೆಯಲ್ಲಿ ನೀ ಏಕೇ ಜೊತೆಗಿರುವೆ

ಕಣ್ಣಾಲಿಯ ಜಲಪಾತವ ಬಂಧಿಸಲು ನೀ ಯಾರು
ನೀ ಮಾಡುವ ನಗೆಪಾಟಲು ಖಂಡಿಸಲು ನಾ ಯಾರು
ಸಂತೋಷಕೂ ಸಂತಾಪಕೂ ಇರಲಿ ಬಿಡು ಒಂದೇ ಬೇರು
ಕಂಗಳಲಿ ಬಂದ ಮಳೆಗೆ ಕೊಡೆ ಹಿಡಿವ ಆಸೆಯೇ ನಿನಗೆ
ಅತ್ತು ಬಿಡು ನನ್ನ ಜೊತೆಗೆ ನಗಬೇಡ ಹೀಗೇ….
ಮುಗುಳು ನಗೆ ಏನೇ ಹೇಳು ಮುಗುಳು ನಗೆ ಏನೇ ಹೇಳು
ಯಾರಿರದ ವೇಳೆಯಲ್ಲಿ ನೀ ಏಕೇ ಜೊತೆಗಿರುವೆ.

 Watch YouTube video