ಅತ್ತ ನೀನು ಇತ್ತ ನಾನು

 ಅತ್ತ ನೀನು ಇತ್ತ ನಾನು,
ನಡುವೆ ಒಲವು ಸೇತುವೆ;
ಅದರುದ್ದಕು ದೀಪಮಾಲೆ,
ನಾನು ಅದನು ದಾಟುವೆ.

ಚೆಲುವೆಯರಲಿ ಚೆಲುವೆ ನೀನು,
ಮುಡಿದ ಹೋವು ಮಲ್ಲಿಗೆ;
ದಣಿದು ದಣಿದು ಬಂದೆ ನಾನು,
ನೀನೆ ಚೆಲುವೆ ಇಲ್ಲಿಗೆ.

ನನ್ನ ಮನಸ್ಸು ನನ್ನ ಕನಸು
ನಿನಗೆ ಬೇಡವಾಯಿಎ;
ತೆರ್ದ ಹೂವ ಕಂಪು ನೀನು,
ನಿನಗೆ ಅರ್ಥವಾಯಿತೆ?

ನೀನೆ ಚೆಲುವು ನೀನೆ ಒಲವು,
ನಿನ್ನೊಲವನು ನೆನೆವೆನು;
ಹಾಡಿಕೊಂಡು ಕುಣಿದು ಕುಣಿದು
ನಿನ್ನ ಎಡೆಗೆ ಬರುವೆನು.

ಮುತ್ತಿನಂಥ ಹೆಣ್ಣು ನೀನು,
ಬೇಕೆ ನಿನ್ಗೆ ಮುತ್ತು;
ಅದನು ಕೊಡಲು ಹಿಂದೆಗೆಯೆನು,
ನಾನೆ ನಿನ್ನ ಸ್ವತ್ತು!

-ಕೆ ಎಸ್ ನರಸಿಂಹಸ್ವಾಮಿಯವರು